Laburpena:
Guatemalako mendebaldeko bi landa-erakunde osatzen dituzten 50 emakume indigenen ahalduntze sozio-ekonomikoa sustatzea izango da proiektuaren helburua, haien eskubideei dagokienez duten posizioa eta eragina hobetzeko; hau da, antolakuntzako, mikroenpresako eta ingurumeneko erabakiak hartzeko gaitasunak eta trebetasunak indartzeko, ekonomia zirkularra sustatuko duen ekonomia sozial eta solidarioan oinarritutako ekoizpena egiteko, eta emakumeek gidatutako lankidetza-guneetan parte hartzeko baldintzak eta gaitasunak hobetzeko. Proiektuak honako hauek biltzen ditu: emakumeentzako gaikuntza genero-ekitatean, giza eskubideetan, eraginean, antolaketan eta administrazioan; emakumeen diru-sarrerak hobetzeko hornigaiak ekoizteko laguntza (txerrikumeak eta hegazti-kontzentratuak); emakumeen bikotekideak maskulinitateen ikuspegitik sentsibilizatzea; eta laguntza osagarriak ematen dituzten sareetan edo bestelako espazioetan parte hartzea.
Xede-biztanleria:
Betzabé emakume-taldeko K ‘iche etnia maiako 30 emakume indigena, Cabricango emakumeen taldeko Mam etnia maiako 20 emakume indigena eta maskulinitate berrien prozesuetarako antolatutako 42 gizon bikote edo emakume bizikide.
Emaitzak:
E.1. 2 landa-erakundetako eskala txikiko 50 emakume indigena ekoizlek beren gaitasunak, trebetasunak, ezagutzak eta erabakitzeko tresnak, antolakuntzakoak, mikroenpresakoak eta ingurumenekoak indartu dituzte, eta, horri esker, beren autonomia eta autoestimua sendotu, beren erakundeen iraunkortasuna bultzatu eta agroekologiarantz joan daitezke.
E.2. Bi erakundetako 50 emakume ekoizle indigenek Ekonomia Sozial eta Solidarioaren printzipioetan oinarritutako ekoizpen-eredu bat sendotzen dute, ekonomia zirkularra sustatuz beren horniduren ekoizpenetik bertatik (txerrikumeak eta hegaztien kontzentratuak), lan duina, hurbileko salmenta, ingurumen-jasangarritasuna eta gizarte-erantzukizuna sustatuz, eskala txikiko landa-ekoizleen eskubideen errespetuaren esparruan.
E.3. Emakume indigena ekoizleen bi landa-erakundeek baldintza eta gaitasun hobeak dituzte “Harribitxiak” emakumeen sarean modu aktiboan parte hartzeko, eta estrategia iraunkor bat abian jartzen dute sare hori sustatzeko eta herritarren parte-hartzea, emakume indigenen eskubideen defentsa, bizitzaren iraunkortasuna eta haren bidezko gizarte-eragina bideratzeko.
Finantzaketa:
Gipuzkoako Foru Aldundia: 98.843,04 €
Tokiko ekarpena: 8.985,73 €
Proiektuaren aurrekontua, guztira: 110.207,86 €
Exekuzioa: 2023 – 2024
Kontrapartea: ADAM Nekazaritza Mikro-Enpresa Garapenerako Elkartea
